“ما لا يُقال”…الدكتور بشير الحجيمي: الميليشياوي “الصكاك” ورئيس الوزراء “المديوس”!
“برقية”-خاص: عرفه الناس بأنه “صريح دائماً”..وهم لأجل ذلك يسمّونه هكذا بالعبارة نفسها “الصريح دائماً”. فاقرؤوا هنا ما يقوله الناشط المدني الدكتور بشير الحجيمي في هذه الخلاصة القصيرة لأحد آرائه عن الانتخابات المقبلة.
لقد قال الحجيمي في مقابلة تلفزيونية بثت هذه الأيام بالنص: ((يعني إنته من توگّف قائد ميليشياوي معروف صكاك في مدينة معينة..مدينة الصدر..وهاي الناس البسطاء يجون وهو واگف بباب المركز الانتخابي..ويقول: ها خوما راح تنتخبون فلان..هذا كلش كافي))!.
سأله المذيع: أكو رئيس وزراء يگدر يحافظ على الانتخابات!!
فردّ الدكتور بشير الحجيمي متسائلاً بسخرية: ((رئيس الوزراء اللّي داسوا صوره… رئيس وزراء اللي ما گدر يطلع قاتل واحد… رئيس وزراء اللي صعّدِنه الدولار، بانتمائه إلى سائرون والشعب جوعان، رئيس وزراء اللي ضيع علينه البلد…رئيس الوزراء اللي ضيّع علينه ميناء الفاو…لا تگلي أكو رئيس وزراء، كافي نجامل، ما عدنا رئيس وزراء، وما عدنا حكومة..عدنا سلاح يحكمك ويحكم ربّ ربك، وإذا تريد هسه يطبّون للقناة، يشيلوك ويشيلوني، كافي نجامل، كافي نحچي بخطاب تعبان)).
بربّكم؟! ما الذي لم يقله هذا الحجيمي، الأكاديمي، الشجاع؟!..ما قاله لا يقوله ملايين قابعون في الخارج كأنّهم “خُرس”، إلا من مجاملات سخيفة يتناقلونها عبر الفيسبوك، وبلدهم يكاد يضيع بكله.
عمّي يا “الحجيمي” إنته زلمه معدّل” لك الامتنان على دفاعك عن بلدك، وشعبك، وجياع هذا البلد الغني العريق!!. أما الذي يريد المزيد من التفاصيل، فليذهب الى اليوتوب
