آخر نكتةآراء حرّة

سالفه وربّاط: خوش بوري.. ورطة “أبو گاطع ” تحت شعار “فضل أبو عوده”!!

 أبو گاطع بگراج بغداد يريد يرجع للعمارة ،

 اجه عليه واحد من بعيد وحضنه ابو عوده ؟ صدگ چذب انت ببغداد وانه ما ادري ؟

 ليش محد خابرني؟ چا آنه أنسى فضلكم من چنت جندي بالعمارة وأجي وي عودة آكل واشرب وياكم ؟

أم عودة شلونها، عودة والولد شلونهم ؟

ابو كاطع گله عمي انت مشتبه انه مو ابو عودة ،

گله: شلون مشتبه ياما گعدنه وأكلنا وشربنه سوه ببيتكم .. هسه تجي وياي للبيت !

گله بويه انه راد لأهلي؛ عود غير نوبة من أجي لبغداد أجيكم ..

گله چا ما تمشي إلا أغديك وذاك المطعم مو بعيد !

أبو كاطع گال بگلبه شخسران خلي أضرب الغده والحگ أرد ..

راحوا للمطعم ونفرين قوزي وملحقاته وذيچ الخدمة الزينة !

المعزب گله ابو عودة انت كمل چايك وانه أروح أحاسب ..

نص ساعة وصاحبنه ماكو ..

گام ابو كاطع سأل ابو المطعم على صاحبه ،

گله صاحبك أخذ خمس نفرات قوزي سفري وطلع وحسابكم صار ١٢٠ ألف دينار وهاي القائمة !!

گله عمي قائمتيش الزلمة هو عازمني !

گله حجي شبعانين من هاي الدالغات تدفع لو أخابر عليك الشرطة ؟

أبو كاطع نبش جيوبه كلهن يلله سد الحساب ..

طلع من المطعم ينكت بعباته ويدردم !!

ابن الچلب أگله آنه مو ابو (نعال)…

يگلي لا انت

 أبو (نعال).

ـــــــــــــــــــ

وهيجي بعض الاحزاب السياسية على مدى 18 سنه

مجلبين ديمقراطية ما ديموقراطية

وباگونا واخذوا سفري لأهلهم وما حصلنه من الديمقراطية بس ال………!.

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى