آخر نكتةآراء حرّة

زوج يتورّط في فراش النوم بسؤالٍ عن عدد زيجات الإمام علي ع!!

“برقية”: وصلتنا هذه الطرفة الرمضانية الجميلة من أحد قرائنا الأحبّة، فوددنا إسعاد قلوب القرّاء بها، والحليم تكفيه الإشارة:

    واحد يگول : سألت زوجتي بليلة من ليالي رمضان وأحنه على الفراش قبل النوم:تعرفين چم مرة تزوج الإمام علي بن أبي طالب عليه السلام..

وشگد عدد زوجاته ؟

يگول رأساً ردت عليه :

أول مرة روح شارك بربع عدد غزواته وبعدها تزوج حتى تشبع .. واني بنفسي أروح أخطبلك .. بعد شتريد؟!….

يگول وانطتني ظهرها وبعد دقيقتين رجعت التفتت عليه وگالت :

-چا ما رحت تدافع عن العراق من دخلوا المحتلين…. يا أبو الزوجات

يگول بگلبي گلت ياريتني ما سألتها ..

التفتت عليه مرة ثالثة

وگالت :

والامام علي خلع باب خيبر ..

وانت وابنك إنسد عليكم باب الحمام وما عرفت تفتحه.. تالي كسرناه وطلعناكم .

يگول سحبت البطانية وانطيتهه ظهري وانا أردد : حسبي الله عليچ يا أم لسان!  

يگول عدّلتْ مخدتها وفتحت عيونها وگالت :

الإمام علي يصلي صلاة الليل وهو بالصحراء و يُغمى عليه من كثر خوفه من الله .. وانت ذاك اليوم أغمي عليك من شفت فاره بالمطبخ ..

خليني ساكته احسنلك ..!! 

خطية بهذلته وبهذلت تاريخه الماضي والمضارع ..

……….

منقول من كتاب جديد عنوانه …

( الرد الرنان على من يستفز النسوان في  شهر رمضان ) .

اظهر المزيد

مقالات ذات صلة

زر الذهاب إلى الأعلى