آراء حرّةقراؤنا يكتبون

سالفة الأسد والحصيني..وتهديد “الحشد” بذبح الكاظمي!!

“برقية”-خاص: يگولون يوم من الايام الحصيني گال للأسد: اذا أجيبلك غزال جاهز شتنطيني؟. الأسد صفن وگال لابو الحصين: أنطيكـ ورقة عدم تعرض تمشي بيهه بالغابة ومحد يحاچيك.. الحصيني جاب الغزال ورهمت الأمور واستلم ورقة عدم تعرض من الأسد وگام يمشي بالغابة والهوا ما تارس خشمه ومحد يگدر يحاچيه..

    ويوم من الايام دخلوا صيادين أفارقة ع الغابة شايلين بنادق صيد وطاب وطيب واشتغل الركض وره الحيوانات.  الأسد يركض والحصيني يركض بسده، فالحصيني گال للاسد: الورقة مالتكـ مال عدم التعرض تفيدني هسه؟!!. الأسد گاله: و لك يا روقه يا روح جدك.. اركض بكل سرعتكـ هذوله ناس لا تقره ولا تكتب، دايحه فرد نوب..!!

    رباط سالفتنا من استلمونا الّي لا يقرون ولا يكتبون راح نظل نركض والعشه خباز…

ومع هذا تقول “الحاجّة البصرية” في بصمة سجلتها بصوتها وصورتها، وأشاعها “الحشد الشعبي”، ليجعل منها تهديداً غير مسؤول قانوناً بذبح الكاظمي:

   ها…الله يساعدكم العراقيين، كواكم الله أهل البصرة. السنه تتكلون تكلي من الحر. شوفوا الكاظمي يفكر بالشعب. ياخذ من البصرة وينطي للكراد..أگلك شوف بويه الكاظمي، هاي  بصمة من عندي واسمعها، تره إحنه باجر نجودر على محطات الكهرباء. أنا أول متظاهرة بالعراق كافة. وإن شاء الله اطلعهم عليك بتسقيطك، وأحمّل أي واحد الحطك المسؤولية. مثل ما حطك يشيلك، لا تخلي الشعب تضحية إلك وللأكراد. تاخذ المحطات من البصرة وتنطيها للأكراد، ليش هجي ولك شنو أهل البصرة مخانيث. ولك البصرة تردّ الما ينرد.. بس البصرة جاهدت من دون فتوى ضد داعش. ولك انت منو حطك رئيس وزراء حتى تاخذ محطات الكهرباء من البصرة؟.. أي واحد يتجاوز على البصرة انكص لسانه ونحط بحلكه. احنه ساكتيلكم.

    شنو ولك آنه حطيتك رئيس وزراء تاخذ منّي وتنطي للأكراد. دير بالك. واحذرنك تحذيره من الشعب البصري. لا تندگ. وتوقيعك الوقعته على روحك موش علينه.

    هذا يعني أنّ “الحشد الشعبي” يروّج هذه “البصمة” بصوت العجوز العراقية المسكينة، لكي يهدّد الكاظمي بالذبح العلني!!. اللهم اجعل بأسهم بينهم.

اظهر المزيد

مقالات ذات صلة

زر الذهاب إلى الأعلى